ပစ်မှတ်
- Details
- Category: အက်ဆေး
- Published on Monday, 04 May 2015 02:34
- Written by တင်ညွန့်
လေးအတတ်မှာ တစ်ဖက်ကမ်းခပ် ကျွမ်းကျင်တယ်ဆိုတဲ့ မင်းတစ်ပါးရှိတယ်။ သူ့ဘ၀မှာ လေးအတတ်နဲ့ ရန်သူကို နှိမ်နင်း၊ လေးအတတ်နဲ့ တိုင်းပြည်မှာ ပစ်ခွင်းအစွမ်းပြပြီး လက်ခုပ်သံတွေကြားနေရတာကိုပဲ ပီတိ ဖြစ်နေသူတစ်ယောက်ပေါ့။ ဒါပေမဲ့ မင်းကြီးရဲ့ လေးပစ်ချက်ဟာ အကြိမ် ၁၀၀ မှာတစ်ကြိမ်လွဲတယ်။ အဲဒီလို တစ်ကြိမ် လွဲတာကို မကျေနပ်တဲ့အတွက် ထပ်ကာ ထပ်ကာလေ့ကျင့် ကြိုးစားလည်း မအောင်မြင်ဘူး။
တစ်နေ့တော့ မင်းကြီးဟာ သူ့ကို ငယ်စဉ်က လေးအတတ်သင်ပေးဖူးတဲ့ ဘုန်းတော်ကြီးကျောင်းကိုသွားပြီး အပြစ်ဆိုတယ်။ ဆရာစားချန်တယ်ပေါ့။ အကြိမ် ၁၀၀ မှာ တစ်ကြိမ်လွဲရအောင် သူ့ကို ပညာသင်ပေးထားတယ် ဆိုပြီး ဆရာတော်ကို အပြစ်သွားတင်တယ်။ ဆရာတော်ကလည်း
"လောကမှာ မလွဲဘူးသူရှိရင် ငါ့ထံခေါ်ခဲ့လော့။ မလွဲဘူးသည့် ဆရာရှိလျှင် ငါထာဝရ ကိုးကွယ်ထားမည်" လို့ မိန့်တော်မူလိုက်တယ်။
ဘုရင်လည်း စိတ်ထဲမှာ မကျေမနပ်နဲ့ မြင်းစီးပြီး ပြန်ခဲ့ရာက စမ်းချောင်းလေးတစ်ခုကိုရောက်သွားတယ်။ စမ်းချောင်းဘေးက သစ်ပင်တိုင်းမှာ မြားတွေမှန်ထားတာတွေ့ရတယ်။ ထူးဆန်းတာက မြားတိုင်းဟာ စက်ဝိုင်းရဲ့ အလယ်ဗဟိုတည့်တည့်ကို မှန်ထားတယ်။ ဘုရင်လည်း စိတ်ဝင်စားပြီး မြားတစ်ချောင်းစီကို လိုက်ကြည့်တယ်။ သစ်ပင်တိုင်းရဲ့အပေါ်က စက်ဝိုင်းအလည်တည့်တည့်တွေကိုချည်း မြားတွေက စိုက်ဝင်နေတာတွေ့လိုက်ရတော့ အလွန်အံ့သြမိတာပေါ့။ သူလိုက်ပြီးတော့ မြားတွေကို ရေတွက်လိုက်တော့ အချောင်း ၁၀၀ ကျော်နေတာတွေ့ လိုက်ရတယ်။
လောကမှာ ငါ့ထက်တော်တဲ့လူတွေ့ပြီ၊ ဆရာတင်အံ့ဆိုကာ မြားပစ်သွားသူကို လိုက်ရှာတယ်။ စမ်းချောင်း လေးရဲ့ အထက်ဘက်မှာ လူငယ်လေးတစ်ယောက်က လေးနဲ့ မြားကို ကိုင်ပြီးရပ်နေတယ်။ ဘုရင်လည်း ၀မ်းသာအားရနဲ့
"လုလင် ဤ၀န်းကျင်ရှိ မြားတိုင်းဟာ သင်ပစ်ထားတာတွေလား"
"ဟုတ်ပါတယ် မင်းကြီး"
"သင့်ဆရာ မည်သူနည်း"
"ဆရာမရှိပါ၊ လေ့ကျင့်ရင်း တတ်လာတာပါ"
ဘုရင်ဒေါသထွက်သွားတယ်။ သူ့လို ဆရာကောင်းနဲ့ သင်ထားတဲ့သူကို ပျက်ရယ်ပြုသလိုဖြစ်နေလို့ စိတ်ဆိုးပြီး
"မဖြစ်နိုင်ဘူး။ သင် ဆရာမရှိဘူးဆိုတာ မဖြစ်နိုင်ဘူး။ မြားတိုင်းကို ပစ်မှတ်အလယ်တည့်တည့်ဝင်အောင် ပစ်နိုင် ဖို့ဆိုတာ မဖြစ်နိုင်ဘူး။ ဒီမြားတွေအားလုံးကို ပစ်မှတ်တွေထဲဝင်အောင် သင်မည်သို့ ပစ်သည်ကို ငါ့အား ပြလော့" ဆိုပြီး အမိန့်ပေးလိုက်တယ်။
လူငယ်လေးကလည်း လေးနဲ့ မြားကို သစ်ပင်တစ်ပင်ကို ချိန်ပြီး ပစ်လိုက်တယ်။ မြားက သစ်ပင်တည့်တည့် စိုက်ဝင်သွားတယ်။ နောက်တော့ လူငယ်လေးက အဲဒီ သစ်ပင်နားကို သွားပြီး အိတ်ထဲကပါလာတဲ့ ဆေးဘူးကို ထုတ်ကာ စိုက်နေတဲ့ မြားပတ်လည်ကို အလည်တည့်တည့်ကျအောင် စက်ဝိုင်းလေး ၀ိုင်းပေးလိုက်တယ်။
"အဲဒါ ကျွန်ုပ်နည်းပါပဲ" လို့ပြောပြီး ထွက်သွားတဲ့လူငယ်ကို ဘုရင်လည်း ဘာမှမပြောနိုင်တော့ဘဲ ငေးစိုက် ကြည့်နေမိတော့တယ်။
၎.၅.၂၀၁၅
မေက္ခပညာရေးမဂ`ဂဇင်းမှ ကူးယူဖော်ပြပါသည်။