မြန်မာ့သမိုင်းပေါ်က ဘုန်းတော်ကြီးသင်ပညာရေး

မြန်မာ့သမိုင်းပေါ်က ဘုန်းတော်ကြီးသင်ပညာရေး 

1 . 1 . 2015

at 3:35 AM Posted by arakan Labels: သမိုင်း 

ဒေါက်တာဓမ္မပိယ (I.T.B.M.U) 
 

မြန်မာနိုင်ငံတော်ကြီးသည် သမိုင်းခေတ်များစွာကို ကျော်ဖြတ်ခဲ့ရ၍ နွမ်းနွမ်းနယ်နယ် ဖြစ်နေချိန် ၀ယ်…။

ဒီမိုကရေစီအလင်းတန်းကို  တွေ့မြင်ကြရတဲ့  ပြည်သူ၊  ပြည်သားများဟာ ရှင်သန်ထမြောက်လာကြသူများပမာအားသစ်၊ အင်သစ်တွေနှင့်အတူ နိုင်ငံအတွက်၊ လူမျိုးအတွက်၊ ဘာသာ သာသနာအတွက် တိုးတက်အောင် ဆောင်ရွက်လိုတဲ့စိတ်ဓာတ်ခွန်အားတွေ တဖန်မွေးဖွားလာနိုင်ပြီဆိုတော့  နိုင်ငံတော်အတွက် ကြိုဆိုနေမိခြင်းပါ။

နိုင်ငံတော်တိုးတက်ကြီးပွားတာကို  မြင်လိုသူတွေအတွက်   ကြိုဆိုခြင်းဟာ  ကောင်းမြတ်တဲ့  မင်္ဂလာ တစ်ပါးပါ။ နိုင်ငံသားတိုင်း အပြာင်းအလဲနှင့်တိုးတက်မှုကို   ဆက်စပ်ကြည့်နိုင်ဖို့  သမိုင်းကို  လေ့လာသင်ကြားသင့်ခြင်းပါ။  တကယ်တော့  နိုင်ငံသားတိုင်း  နိုင်ငံတော်ရဲ့  သမိုင်းစာမျက်နှာများကို  ပြန်လှန်၍  ဖတ်ရှုလေ့လာ ကြည့်ရင်  သမိုင်းနှင့်စပ်တဲ့  အကောင်းအဆိုး  အကြောင်းအကျိုး  အဖြစ်အပျက်တွေကို  သင်ခန်းစာယူနိုင်ပြီး၊ သမိုင်း ဟောင်းရဲ့ ဒဏ်ရာတွေကို သမိုင်းပြောင်းပြီး အစားထိုးနိုင်ခြင်းပါ။ သမိုင်းကိုဖတ်ပြီး နာကျည်းစိတ်တွေကို မွေးမြူနေကြမဲ့အစား  သမိုင်းကို  သင်ယူလေ့လာပြီး  သမိုင်းကပြောပြတဲ့  လူမျိုးရဲ့တန်ဖိုး၊  လူ့ယဉ်ကျေးမှုရဲ့ ဂုဏ်သိက္ခာ၊ သမိုင်းတစ်လျှောက်လုံး ပြည်သူ၊ ပြည်သားများ ညီညီညွတ်ညွတ် အတူယှဉ်တွဲ နေထိုင်ခြင်းဖြင့် ရနိုင်တဲ့ ငြိမ်းချမ်းရေးဂုဏ်ရည်များကို သိနိုင်ဖို့ပါ။ ပညာရေးတက္ကသိုလ် ပါမောက္ခဟောင်း ဦးထွန်းကြွယ်ကတော့ သမိုင်းနှင့်စပ်ပြီး  သုံးသပ်တင်ပြထားခြင်းပါ။  ̏နိုင်ငံသမိုင်းဟူသည်  ပြည်သူ့ အကြောင်း၊  ပြည်သူ့့ လှုပ်ရှားမှု အကြောင်း  မှတ်တမ်းကြီးဖြစ်သကဲ့သို့  ပညာရေးသမိုင်းသည်လည်း  ယင်းပြည်သူတို့၏  ပညာရေးလှုပ်ရှားမှု မှတ်တမ်းကြီးပင် ဖြစ်လေသည်။˝

မြန်မာနိုင်ငံရဲ့   ပညာရေးသမိုင်းကြောင်းကို  ကောက်ကြောင်းပြန်၍ကောက်ပြရလျှင်  မြန်မာသက္ကရာဇ် ၁၂၃၀-ခု၊  ခရစ်သက္ကရာဇ်  ၁ဂ၆၈-ခုနှစ်ထိ  မြန်မာနိုင်ငံ ၌  ဘုန်းတော်ကြီးသင်  ပညာရေးကျောင်းများသာရှိပြီး၊ လူကျောင်း (အစိုးရ စာသင်ကျောင်းမျိုး)ဆိုတာ တစ်ကျောင်းတလေမျှ မရှိသေးကြောင်းကို သမိုင်းစာမျက်နှာ၌ ရှာဖွေတွေ့ရှိခြင်းပါ။

စိတ်ဝင်စားစရာပါ။ သမိုင်းဆိုတာ မသိရင် လှည့်စားခံရတတ်ပြီး၊ သိထား ရင်တော့  ယုံကြည်ချက်တွေ ခိုင်မြဲလာနိုင်ခြင်းပါ။ သမိုင်းနှင့်စပ်ပြီး  နမူနာလေးတစ်ခုလောက်ကို  ထုတ်ပြရရင်  ဧရာဝတီသမိုင်းကို  လေ့လာတဲ့အခါ မေခနှင့်မလိခ  မြစ်နှစ်သွယ်ပေါင်းစည်းရာမှ  ဧရာဝတီမြစ်ကြီးဆိုတာ  ဖြစ်ပေါ်လာခြင်းပါ။  ထိုမြစ်ကြီးက တိုင်းပြည်ကို အကျိုးပြုနေလို့ ဧရာဝတီမြစ်ကြီးကို မြန်ပြည်သားတိုင်းက မြတ်နိုးနေခြင်းပါ။ အလားတူတဲ့ သမိုင်း တစ်ခုက  မြန်မာနိုင်ငံရဲ့  ပညာရေးသမိုင်းပါ။ မြန်မာနိုင်ငံရဲ့  ပညာရေးသမိုင်းကို အခြေခံကျကျသိဖို့ သမိုင်းစာမျက် နှာများကို  ပြန်လှန်ကြည့် ရှုတဲ့အခါ  မြန်မာနိုင်ငံရဲ့   ပညာရေးသမိုင်းဟာ  ဗုဒ္ဓဘာသာနှင့်  ဘုန်းတော်ကြီးသင် ပညာရေးကျောင်းများ အတူပေါင်းဆုံရာမှ မြန်မာနိုင်ငံပညာရေးသမိုင်းဆိုတာ ပီပြင်လာခြင်းပါ။

မြန်မာနိုင် ငံအောက်ပိုင်းကို အင်္ဂလိပ်တို့သိမ်းပိုက်ပြီး အင်္ဂလိပ်လက်အောက် ကျရောက်ပြီး နောက်ပိုင်းမှာတော့  ခရစ်သက္ကရာဇ်  ၁ဂ၇၃-ခုနှစ်တွင်  ဘုန်းတော်ကြီးကျောင်းအရေအတွက်ဟာ  (ဂ၀၁) ကျောင်း ရှိပြီး၊ လူကျောင်း (အစိုးရ စာသင်ကျောင်း) အရေအတွက်မှာ (၁၁၂) ထိ တိုးပွားလာခြင်းပါ။ ထိုအစိုးရ စာသင်ကျောင်းများ  (လူကျောင်းများ)၌  ၀ိဇ္ဇာသိပ္ပံအပါအ၀င်  လောကီအတတ်ပညာများကိုပါ  သင်ကြားခဲ့၍ အစိုးရစာသင်ကျောင်းများ၌  ကျောင်းသားဦးရေးများ  တနေ့တခြား  တိုးပွားလာပြီး၊  ပါဠိစာပေ  အခြေခံဖြစ်တဲ့

သုတိ  (သဒ္ဒါကျမ်းအတတ်)၊  သမ္မုတိ  (ဓမ္မသတ်ကျမ်းအတတ်)၊  သင်္ချာ  (သင်္ချာအတတ်)၊  နီတိ  (နိတိကျမ်း အတတ်)၊ တိကိစ္ဆာ (ဆေးအတတ်)၊ စတုဗေဒါ (ဗေဒင်လေးပုံအတတ်)၊ ဆန္ဒိသာ (ဆန်းကျမ်း အတတ်) စသည် တို့ကိုသာ  သင်ကြားပေးသော  ဘုန်းကြီးကျောင်းများ၌  တနေ့တခြား  ကျောင်းသား  ဦးရေးများ  နည်းပါး လာခြင်းကို သမိုင်းစာမျက်နှာများပေါ်၌ တွေ့ရှိရခြင်းပါ။ ထိုကြောင့် ၁၈၉၂-ခုနှစ်တွင် ဘုန်းကြီးတော် ကြီးသင် ပညာရေးကျောင်းများ (၄၆၁၉)ကျောင်း ရှိခဲ့ရာမှ တဖြေးဖြေးယုတ်လျော့လာကာ ၁၉၃၃-၃၄ ခုနှစ်တွင် (၉၂၈) ကျောင်းမျှသာရှိတော့ကြောင်းကို တွေ့ရှိရခြင်းပါ။

ဒုတိယကမ္ဘာစစ်ကြီး  ပြီးဆုံးပြီးနောက်   ၁၉၅၂-ခုနှစ်တွင်  နိုင်ငံတော်မှ  ဘုန်းတော်ကြီးကျောင်း

ပညာရေးစီမံကိန်းကို  တဖန်အကောင်အထည်ဖေါ်ခဲ့ပြန်သည်။  ၁၉၅၂-ခုနှစ်မှ  ၁၉၅၈-ခုနှစ်တွင်း  မှတ်ပုံတင်ဘုန်းတော်ကြီးသင် ပညာရေးကျောင်းပေါင်း (၅၅၄၅)ရှိခဲ့ကြောင်း သိရခြင်းပါ။။

၁၉၆၂-ခုနှစ် နောက်ပိုင်းတွင် လူထုပညာရေးဌာန (ပုဂ္ဂလိကကျောင်းများ) ကို ဖျက်သိမ်း၍ ဘကကျောင်းများအတွက်ကိုမူ ဘ-က ဌာနစိတ် ဟူ၍  ပေါ်ပေါက်လာခဲ့သည်။  သို့သော်  ၁၉၇၂-ခုနှစ်တွင်  ဘ-က  ဌာနစိတ်ကို  ဖျက်သိမ်းခံခဲ့ရခြင်းပါ။  ၁၉၉၃-ခုနှစ်တွင် ဘုန်းတော်ကြီးကျောင်းများကို ပြန်လည်ဖွင့် လှစ်ပေးခဲ့သည်။ သို့သော် မူလတန်းအဆင့်၊ အလယ်တန်း အဆင့်မျှကိုသာ  သတ်မှတ်ပြဋ္ဌာန်းပေးလျှက်  ဖွင့်လှစ်ပေးခဲ့ခြင်းပါ။

မြန်မာနိုင်ငံရယ်လို့  တည်ရှိဖြစ်ပေါ်လာခဲ့တဲ့အချိန်ကစပြီး သမိုင်းတစ်လျှောက်လုံး လူမျိုးကို ဦးဆောင်နိုင်ခဲ့တဲ့ ဘုန်းတော်ကြီးကျောင်းများနှင့် ဘုန်းတော်ကြီးသင် ပညာရေးကျောင်းများ၏ အရေးပါအရာ ရောက်မှုကို ဤသို့ဖြင့်  ဘုန်းတော်ကြီးသင်  ပညာရေး ကျောင်း  (ဘကကျောင်း)များ၏  လောကဓံဒီလှိုင်းသည်  ခေတ်စနစ်၏ရေးစီးကြောင်းနှင့်အတူ  နိမ့်တုံမြင့်တုံ ဖြစ်ခဲ့ရခြင်းပါ။

ရှေးခေတ်၊ ရှေးအခါက အစဉ်အလာကြီးမားခဲ့သော မြန်မာဘုန်းတော်ကြီးကျောင်း ပညာရေးသမိုင်းကို ပြန်လည်ဆန်းစစ်ကြည့် လျှင်  မြန်မာရှင်ဘုရင်များ  တိုင်းပြည်ကို  စိုးမိုးအုပ်ချုပ်  မင်းလုပ်ခဲ့ကြတဲ့အချိန်မှစ၍၊

(အနော်ရထာမင်းလက်ထက်မှစ၍)  ဘုန်းတော်ကြီးသင်  ပညာရေးကျောင်းများသည်  မူလတန်းကျောင်း၊ အလယ်တန်းကျောင်း၊  အထက်တန်းကျောင်းနှင့်  တက္ကသိုလ်ကျောင်းများအသွင်  တည်ရှိနေခဲ့ကြခြင်းပါ။ ဘုန်းတော်ကြီးသင်  ပညာရေးကျောင်းများဟာ  မြန်မာနိုင်ငံနှင့်  မြန်မာလူမျိုးတို့အတွက်   ခေတ်အဆက်ဆက်၊ သမိုင်းအဆက်ဆက်  နိုင်ငံတော်ရဲ့ပညာရေးကဏ္ဍကို  ဦးဆောင်နိုင်ခဲ့ကြခြင်းပါ။  အကျိုးဆက်အနေနှင့်  ထိုထို သို့သော အခြေအနေတွေကြောင့်  မြန်မာနိုင်ငံဆိုတာ ယနေ့ခေတ်အထိ ဆက်လက်တည်ရှိနေခဲ့ခြင်းပါ။ ဒါဟာ သမိုင်းကပြောတဲ့ ဘုန်းကြီးကျောင်းများရဲ့ ပညာရေး သမိုင်းသက်သေများပါ။ 

မြန်မာနိုင်ငံ ၌  ဘုန်းတော်ကြီးသင်  ပညာရေးကျောင်းများ၏အရေးပါမှုကို  သမိုင်းပညာရှင်များ  သိထားကြသော်လည်း  ယနေ့မျက်မှောက်ခေတ်၌  ဘုန်းတော်ကြီးသင်  ပညာရေးကျောင်းများ၏  အခက်အခဲများကို သမိုင်းရှင်များ သိချင်မှသိနိုင်မှာပါ။ ပညာသင်ကြားရေးနှင့်ပတ်သက်၍ အစိုးရကျောင်းများနှင့် တန်းတူရည်တူ အခွင့်အရေးများ  မရခဲ့ကြသောကြောင့်  အခက်အခဲများစွာကို  ကျော်ဖြတ်ရင်း  ယနေ့မျက်မှောက်ခေတ် အနေအထားနှင့် ရပ်တည်နိုင်အောင် ဘုန်းတော်ကြီးများအတော်ကို ရုန်းကန်နေရခြင်းပါ။

မြန်မာနိုင်ငံ၊ အခြေခံပညာရေးကဏ္ဍတွင် အရေးပါသော ဘုန်းတော်ကြီးသင် ပညာရေးကျောင်းများကို အဆင့်မြှင့်တင်ခြင်း အင်္ဂလိပ်များပင် သိရှိခဲ့ခြင်းပါ။ အင်္ဂလိပ်အုပ်ချုပ်သည့်ခေတ်၌် မြန် မာနိုင်ငံတွင် ပထမဦးဆုံး မဟာဝန်ရှင်တော် မင်းကြီးဖြစ်လာခဲ့တဲ့  ဆာအာသာဖယ်ယာဟာ  ခရစ်နှစ်  ၁ဂ၆၆-ခုနှစ်  (မြန်မာသက္ကရာဇ်   ၁၂၂၅-ခုနှစ်)  တွင် ဘုန်းတော်ကြီးသင်  ပညာရေးကို  အခြေပြု၍  ပညာရေးစနစ်သစ်တစ်ခု  တီထွင်ရန်  ကြိုးပမ်းလာခဲ့ သူပါ။

ပညာရေးစနစ် ပြုပြင်နိုင်ရေးအတွက်  ဆာအာသာဖယ်ယာရဲ့ အကြောင်းပြချက်က - “မြန်မာနိုင်ငံမှာ ဘုန်းတော် ကြီးများ  သြဇာတိက္ကမ  ကြီးမားနေခြင်းဟာ  ဘုန်းတော်ကြီးသင်  ပညာရေးကျောင်းများကြောင့်  ဖြစ်နေခြင်းပါ။ ကလေးသူငယ်များဟာ  ဘုန်းတော်ကြီးကျောင်းများ၌  အရေး၊  အဖတ်၊  အတွက်  တတ်မြောက်ရုံ  သာမက ပါဠိစာပေဆိုင်ရာ  အသိတရားများ၊  ဘုန်းတော်ကြီးများ၏  ဆုံးမသြ၀ါဒများ၊  သမိုင်းဆိုင်ရာ  ဗဟုသုတများ၊ ကိုယ်ကျင့်သိက္ခာပိုင်း၌လည်း  လိမ္မာယဉ်ကျေးမှုရှိခြင်း၊  အကျင့်စာရိတ္တ  ကောင်းမွန်ခြင်း၊  မျိုးချစ်စိတ်ရှိခြင်းစတဲ့ အကျိုးတရားတွေကို  ဆာအာသာဖယ်ယာကိုယ်တိုင်  တွေ့မြင်ခဲ့ခြင်းပါ။  သူတွေ့မြင်ခဲ့တဲ့  အတိုင်း  အိန္ဒိယပြည် ဘုရင်ခံချုပ်ထံသို့  ဘုန်းတော်ကြီးသင်  ပညာရေးကျောင်းများ  နိုင်ငံနှင့်လူမျိုးအတွက်  အရေးပါ  အရာရောက် နေပုံကို သိရှိနိုင်ရန် အစီရင်ခံစာတစ်စောင်ကို တင်ပြခဲ့ခြင်းပါ။

အင်္ဂလိပ်တို့သည်  ဘုန်းကြီးကျောင်း  ပညာရေးစနစ်ကို  စနစ်တကျ  လေ့လာပြီးနောက်  အင်္ဂလိပ် အုပ်ချုပ်သော မြန်မာပြည်အောက်ပိုင်း ရန်ကုန်မြို့တွင် သိပ္ပံအတတ် ပညာအမျိုးမျိုးကို သင်ကြားနိုင်ရန် ၁၈၄၄-ခုနှစ်တွင်  အစိုးရစာသင်ကျောင်းများကို  စတင်တည်ထောင်ခဲ့ကြခြင်းပါ။  မြန်မာ၊  အင်္ဂလိပ်၊  သင်္ချာနှင့် သိပ္ပံဘာသာရပ်အမျိုးမျိုအပြင် သက်မွေးဝမ်းကြောင်းဆိုင်ရာ ပညာရပ်များဖြစ်တဲ့ ဆေးသိပ္ပံအတတ်၊ ကြေးနန်း ကြိုးအတတ်၊  တရားဥပဒေအတတ်၊  မြေတိုင်းအတတ်၊  စက်မှုလက်မှုအတတ်မျိုးကိုပါ  အစိုးရကျောင်းများ၌ စုံလင်စွာ သင်ကြားပေးခဲ့ကြခြင်းပါ။ ခေတ်နှင့်လျှော်ညီ၍ ခေတ်မှီသော သိပ္ပံပညာရပ်များကို သင်ကြားပေးခဲ့တဲ့ အစိုးရစာသင်ကျောင်းများ၏  အရှိန်အဟုန်သည်  တရှိန်ထိုး  တိုးတက်လာပြီး  မြန်မာသက္ကရာဇ်   ၁၂၉၄-ခုနှစ်၊ ခရစ်သက္ကရာဇ်  ၁၉၃၂-ခုနှစ်တွင်  ဘုန်းတော်ကြီးသင်  ပညာရေးကျောင်း  (၉၂ဂ)ကျောင်းမျှသာရှိတော့ပြီး၊ အစိုးရစာသင်ကျောင်းများမှာ (၄၉၆၇)ကျောင်းထိ တိုးပွားလာခဲ့ခြင်းပါ။

ထိုကဲ့သို့  ဘုန်းတော်ကြီးကျောင်းများ၌  သင်ကြားပေးသော  ပြဌာန်းစာများနှင့်   အစိုးရစာသင်ကျောင်းများ၌  သင်ကြားပေးသော  ပြဌာန်းစာများ  ကွဲပြားခြားနားလှခြင်းကြောင့်  အစိုးရအသိအမှတ်ပြု  ဘုန်းတော်ကြီးသင်   ပညာရေးကျောင်းများ၌လည်းကောင်း၊  အသိအမှတ်မပြုသော  ဘုန်းတော်ကြီးကျောင်းများ၌လည်းကောင်း ပညာသင်ယူသူ တပည့်ဦးရေမှာ တစ်နေ့တစ်ခြား ဆုတ်ယုတ်သွားခဲ့ခြင်းပါ။ ထိုကဲ့သို့ဖြစ်သွားရ ခြင်း၏ အဓိကအကြောင်းရင်းမှာ (၁) ဘုန်းတော်ကြီးကျောင်းများ၌ တက်ရောက်ပညာသင်ကြားခဲ့သော ကျောင်းသား၊ ကျောင်းသူများသည် အလုပ်အကိုင်များရဖို့ ခက်ခဲခြင်း၊ (၂) အင်္ဂလိပ်အစိုးရခေတ်၌ အင်္ဂလိပ်စာတတ်မှ လူရာဝင်လျှက်  ရာထူးရာခံများရရှိနိုင်ခြင်း၊  (၃)ဘုန်းတော်ကျောင်းများတွင်  အစဉ်အလာအရ  ဘာသာရေး  ဆိုင်ရာ ကျမ်းစာများနှင့်  နီတိတို့ကိုသာ  သင်ကြားပို့ချလျှက်  ထိုဘုန်တော်ကြီးကျောင်းများ၌၀ိဇ္ဇာသိပ္ပံနှင့်စပ်သော ခေတ်နှင့်လျှော်ညီတဲ့  ဘာသာရပ်များကို  သင်ယူခွင့်မရရှိခြင်း၊  စသောအကြောင်းများကြောင့်ဆိုတာ  သိသာထင်ရှားနေခြင်းပါ။

ထို့ကြာင့်  အစဉ်အလာရှိခဲ့သောဘုန်းတော်ကြီးသင် ပညာရေးကျောင်းများနှင့်စပ်လျဉ်း၍ သမိုင်း စာမျက်နှာများကို ပြန်လှန်ကြည့်ရှုလေ့လာသင့်ကြောင်း တိုက်တွန်းလိုခြင်းပါ။ ရှင်ဘုရင်များလက်ထက်၌ ဘုန်းတော်ကြီး များသည်  ခေတ်နှင့်လျှော်ညီတဲ့  (အဲဒီခေတ်၊  အဲဒီအခါကို  ဆိုလိုသည်)  ခေတ်ပညာများကို  ဂဏန်းအတတ်၊  ပျို့ကဗျာ  လင်္ကာရေးနည်းအတတ်၊  ဗေဒင်အတတ်၊  ယတြာအတတ်၊  ဆေးကျမ်းအတတ် စသည်များကို)  သင်ကြားပေးနိုင်ခဲ့ကြ၍ 

 

 ̏ရပ်သူနယ်သား  လူအများ၏  ဆရာဖြစ်ရုံသာမက  မြို့ပြတို့ ၌လည်း မင်းညီမင်းသား  မှူးမတ်သားတို့၏  ဆရာတော်များဖြစ်ကြသည်။  (ထို့ကြောင့်)  မိမိတို့သည်  (ခေတ်)အခါနှင့် လိုက်အောင်  (ခေတ်နှင့်လိုက်လျောညီထွေရှိအောင်)  ပညာရေးကို  ပြုပြင်နိုင်ခဲ့ကြလျှင်   ယခုအချိန်မှာလည်း တိုင်းသူပြည်သားတို့၏  ဆရာအဖြစ်၌  တည်နိုင်ဖွယ်ရှိ၏။  ယခုသော်ကား  ထိုကဲ့သို့  မပြုပြင်နိုင်ကြမှုကြောင့် ဆရာအဖြစ်မှပင်  လျှော့ကျရုံမက  တချို့ကျေးရွာကျောင်းများ၌  ဆွမ်းခံပေးမည့်  ကလေးပင်မရှိတော့ပေ˝ 

  

ဟု တောင်မြို့  မဟာဂန္ဓာရုံဆရာတော်ဘုရားကြီးက  ဘုန်းကြီးကျောင်း  ပညာရေးနှင့်ပတ်သက်၍  အလေးအနက် ထားကာ ဆွေးနွေးတင်ပြသွားခဲ့သည်။ (ဇနကာဘိဝံသ၊  အရှင်။ ကိုယ့်ကျင့်အဘိဓမ္မာ (ပန္နရသမအကြိမ်)၊ မဟာဂန္ဓာရုံစာပေ၊ အမရပူရမြို့၊ ၂၀၀၂။ နှာ ၁၃၇။)

ယနေ့မျက်မှောက်ခေတ်၌  ဘုန်းကြီးကျောင်း  ပညာရေးစနစ်ကို ခွဲခြမ်းစိတ်ဖြာကြည့်လျှင် ဘုန်းကြီး ကျောင်း ပညာရေးမှာ နှစ်မျိုးနှစ်စားရှိနေခြင်းကို တွေ့ရခြင်းပါ။ (၁) ဘုန်းကြီးကျောင်းပညာရေး (ပရိယတ္တိ

စာသင်တိုက်များ)၊ (၂) ဘုန်းတော်ကြီးသင် ပညာရေး (ဘက ဘုန်းတော်ကြီးကျောင်းများ) ဟူ၍ နှစ်မျိုးနှစ်စားတွေ့ရခြင်းပါ၊ ထိုနှစ်မျိုးမှာ နံပါတ်(၁)ဖြစ်တဲ့ ဘုန်းကြီးကျောင်း ပညာရေး၌ ခေတ်နှင့်လျှော်ညီသော ဘာသန္တရ စာပေများ (သင်္ချာ၊ အင်္ဂလိပ်စာ၊ စသည်) ကို ထည့်သွင်းသင်ကြားနိုင်ခြင်း မရှိသေးသည်ကို တွေ့နေ ရခြင်းပါ။ ထို့ကြောင့် ပြည်တွင်း၊ ပြည်ပသာသနာရေး လုပ်ငန်းများကို ဆောင်ရွက်နိုင်ရန် ခေတ်ရဲ့နောက်မှာ များစွာ နောက်ကျကျန်နေခြင်းကို သတိမူသူတို့သာ သိနိုင်မည်ဖြစ်ခြင်းပါ။ ထိုဘုန်းကြီးကျောင်း ပညာရေးကို အစိုးရ အသိမှတ်ပြု အတန်းပညာအရည်အချင်းများနှင့် သတ်သတ်မှတ်မှတ် သတ်မှတ်ပေးထားနိုင်ခြင်းမျိုး မရှိ၍ အစိုးရစာသင်ကျောင်းများ၏ ပညာရေးလယ်ဗယ်နှင့် အခါအားလျှော်စွာ နှိုင်းချိန်ခံရသောအခါ ဓမ္မာစရိယ အရည်အချင်းသည် ရေးတတ်၊ ဖတ်တတ် အရည်အချင်းမျှသာ အသိမှတ်ပြုထားသည်ကို တွေ့ရှိရ၍ များစွာ ၀မ်းနည်းမိခြင်းပါ။

နံပါတ် (၂)ဖြစ်တဲ့ ဘုန်းတော်ကြီ်းကျောင်းသင် ပညာရေးကျောင်းများမှာမူ ခေတ်နှင့်လျှော်ညီသော မြန်မာ၊ အင်္ဂလိပ်စာ၊ သင်္ချာနှင့် သိပ္ပံဘာသာရပ်များကို သင်ကြားပေးနိုင်၍ ကျောင်းသားဦးရေးများ အဆမတန် တိုးပွားနေခြင်းပါ။ သို့သော် အမျိုး ဘာသာ သာသနာတော်အရေးကို လေးလေးနက်နက် တွေးဆဟန်မတူ ကြတဲ့ အစိုးရဆိုင်ရာ အကြီးအကဲများ၊ ပညာရှင်ကြီးများ၊ ပညာရေးဆိုင်ရာလူကြီးများသည် ဘုန်းတော်ကြီးသင် ပညာရေးကျောင်းများကို မူလတန်းကျောင်းများမှ အလယ်တန်းကျောင်းများအဆင့်၊ အလယ်တန်းကျောင်းများမှ အထက်တန်းကျောင်းများအဆင့်သို့ တိုးမြှင်ပေးနိုင်ဖို့အရေး ၀န်လေးနေကြခြင်းမှာ နားမလည်နိုင်အေင် ဖြစ်မိခြင်းပါ။ ပညာတတ်နည်းပါးသောလူမျိုးနှင့် ပညာတတ်ရှားပါးသောတိုင်းပြည်အတွက် ရင်လေးနေမိခြင်းပါ။ ပညာမတတ်တော့ကော ဘာဖြစ်မှာလဲလို့ မေးနေသူတွေကလဲ မေးနေဆဲပါ။ ဒီမိုကရေစီစနစ်မှာ ရာထူးကောင်းကောင်းလိုချင်ရင် အရည်အချင်းကောင်းကောင်းရှိရမှာပါ။ အရည်ချင်းကောင်းဆိုတာ ခေတ်မီတဲ့ ပညာရေးစနစ်မျိုးနှင့် ခေတ်ပညာများကို သင်ယူခွင့်ရပြီး၊ ထိုပညာ (ဘွဲ့ဒီဂရီ)ဖြင့် အလုပ်ခွင်၌ ယုံကြည် ချက်အပြည့်ဖြင့် အလုပ်လုပ်ပြနိုင်ခြင်းပါ။ ထိုကဲ့သို့မဟုတ်ဘဲ မြန်မာလူမျိုးအများစုရဲ့ ပညာရေးအဆင့် အတန်း များဟာ လွန်စွာနိမ့်ကျနေမည်ဆိုလျှင် ဒီမိုကရေစီစနစ်အရ နိုင်ငံတကာနှင့်ယှဉ်တဲ့ လုပ်ငန်းကိုင်ငန်း အခွင့်လန်းတွေ ပွင့်လန်းလာလို့ အလုပ်ခန့်ရာမှာ မြန်မာလူမျိုးများ (တိုင်းရင်းသားအားလုံး အပါအ၀င်)ကို ဘယ်နေရာမှာ ဘယ်ရာထူးမျိုးနဲ့ ခန့်အပ်နိုင်ကြမလဲဆိုတာ ကြိုတင်စဉ်းစားနိုင်ကြဖို့ပါ။

ထို့ကြောင့် ဆင်းရဲသားနှင့် ဆင်းရဲနွမ်းပါးတဲ့ တိုင်းရင်းသား၊ တိုင်းရင်းသူတို့ရဲ့မှီခိုရာဖြစ်တဲ့ ဘုန်းတော်ကြီးသင် ပညာရေးကျောင်းများဟာ သမိုင်းကောင်းကို ဆက်လက်ထိန်းသိမ်းထားနိုင်ရန် ဘုန်းတော်ကြီးသင်ပညာရေးကျောင်းများကို အစိုးရကျောင်းများ၏ စံချိန်စံနှုန်းများနှင့်အညီ (အားကစားကွင်းရှိခြင်း၊ ကျောင်းနှင့် ကျောင်းအဆောက်အဦးစာသင်ခန်းများ လုံလုံလောက်လောက်ရှိခြင်း၊ စာကြည့်တိုက်ရှိခြင်း၊ ကျောင်းထိုင် ဆရာတော်များ ပညာအရည်အချင်းများ ပြည့်မီခြင်း-စသည်များ) ရှိနေခဲ့လျှင် ဘုန်းတော်ကြီးသင် မူလတန်း ကျောင်းများကို အလယ်တန်းကျောင်းများအဆင့်သို့၊ အလယ်တန်းကျောင်းများကို အထက်တန်းကျောင်းများ အဆင့်သို့ တိုးမြှင့်ပေးကြပါရန် တိုက်တွန်းလိုခြင်းပါ။ ပညာတတ်လူမျိုးက တိုင်းပြည်ကို ကြီးပွားချမ်းသာအောင် ဆောင်ရွက်နိုင်သလို၊ သဒ္ဓါတရားရှိပြီး ပညာနှင့်ဥစ္စာပြည့်စုံနေသူမျိုးကသာ သာသနာနှင့် လူမျိုးကို စောင့်ရှောက် နိုင်မည်ဆိုတာ ယုံကြည်ထားမိလို့ပါ။ ချမ်းသာစွာ အိပ်စက်နိုင်ပါစေ။

28.12.2012

ဒေါက်တာဓမ္မပိယ (ITBMU  

ကိုးကား…

1)   ဇနကာဘိဝံသ၊  အရှင်။ ကိုယ့်ကျင့်အဘိဓမ္မာ (ပန္နရသမအကြိမ်)၊ မဟာဂန္ဓာရုံစာပေ၊ အမရပူရမြို့၊

2)   မြန်မာနိုင်ငံ  ဘုန်းတော်ကြီးကျောင်း ပညာရေးသမိုင်း (ဒုတိယအကြိမ်)

3)   အောင်သိန်းညွန့်၊ ဦး၊ မြန်မာနိုင်ငံ၊ အခြေခံပညာရေးကဏ္ဍတွင် အရေးပါသော ဘုန်းတော်ကြီးသင် ပညာရေးကျောင်းများကို အဆင့်မြှင့်တင်ခြင်း  စာတမ်း၊ ၂၀၁၂-ခု။

4)   သန်းထွတ်၊ ဦး။ မြန်မာနိုင်ငံ  ဘုန်းတော်ကြီးကျောင်း ပညာရေးသမိုင်း (ဒုတိယအကြိမ်)၊ ရာပြည့်စာအုပ်တိုက်၊ ရန်ကုန်မြို့၊ ၂၀၁၁-ခု၊

  တခြားနိုင်ငံများတွင် ဘုရင်၊ အစိုးရများ၏ ထောက်ပံ့မှုများဖြင့်  ကမ္ဘာကိုထိုးဖေါက်နိုင်ရေး လုပ်ဆောင်ချက်ပုံရိပ်များကို ကြည့်ခြင်းဖြင့် နားလည် သဘောပေါက်သင့်လှ၏။

ပညာရေးနှင့်ဆိုင်တဲ့ သမိုင်းစာမျက်နှာများကို ပြန်လှန်၍သုံးသပ်ခြင်း

ဒေါက်တာဓမ္မပိယ (I.T.B.M.U)

 အောက်တိုဘာ ၁၉၊ ၂၀၁၂

>>>ဆက်ဖတ်ရန်>>> >>

တကယ်လား၊ အိပ်မက်လား

တကယ်လား၊ အိပ်မက်လား

1.1.2015

• 
• 

Details

Category: သူ့အမြင်

Published on Tuesday, 30 December 2014 02:33

Written by အငြိမ်းစားကျောင်းဆရာတစ်ဦး

ဒီမိုကရေစီပညာရေးပြောင်းလဲမှုကြီး၌ ဆရာ၏ အခန်းကဏ္ဍ (The Role of Teachers in the Democratic Reform of Education) ဆိုပြီး NNER အဖွဲ့ကကြီးမှူးကျင်းပတဲ့ပွဲကို ဒီဇင်ဘာလ ၂၉ ရက်နေ့က တော်ဝင်နှင်းဆီခန်းမ မှာပြုလုပ်ခဲ့ပါတယ်။ ပွဲမစမီ တစ်ပတ်လောက်ကတည်းက Facebook ပေါ်မှာ ဖိတ်စာတွေ့လိုက်ရတယ်။ လူတိုင်း လွတ်လပ်စွာ တက်ရောက်နိုင်တယ်လို့လည်း ဖိတ်တယ်။ ဒီကြားထဲက မိတ်ဆွေတစ်ဦးက ဖိတ်စာပါပို့ပြီး လေးနက်စေလိုက် တာကြောင့် အဲဒီပွဲကို မရောက်ရောက်အောင် သွားဖို့ ဆုံးဖြတ်လိုက်ပါတယ်။

NNER (National Network for Education Reform) အဖွဲ့ဟာ သူတို့တပ်ထားတဲ့ Reform ဆိုတဲ့ ခေါင်းစဉ် အတိုင်း မြန်မာနိုင်ငံပညာရေးကို ပြုပြင်ပြောင်းလဲနိုင်ရေးအတွက် နေရာအနှံ့လိုက်ပြီးတော့ "Brainstorming" လိုက်လုပ်ပေးနေတဲ့ အဖွဲ့လို့ပဲ ကျွန်တော်သုံးသပ်မိပါတယ်။ NNER အဖွဲ့ရဲ့ ပထမဆုံး လှုပ်ရှားတက်ကြွတဲ့ ပညာရေးဆွေးနွေး ပွဲကြီးတစ်ခုကို အင်းစိန် MIT မှာကျင်းပတော့ ကျွန်တော် တစ်ကြိမ်တက်ဖူးပါတယ်။ အဲဒီမှာလည်း မြန်မာနိုင်ငံ လက်ရှိ ပညာရေးဌာနကတောင် ဘယ်တုန်းကမှ စိတ်ကူးမထားတဲ့ အဖွဲ့လိုက်ဆွေးနွေးမှုတွေနဲ့ ပညာရေးမှာ ဘာတွေ ပြုပြင် ပြောင်းလဲ သင့်သလဲဆိုတာကို အဖြေရှာသွားနိုင်ခဲ့ပါတယ်။

အဲဒီတုန်းက အဖြေရှာပြသွားတာတွေကို အစိုးရထံတင်ပြပြီး လိုက်လုပ်နိုင်တာ မလုပ်နိုင်တာ၊ အကောင်အထည်ဖော်နိုင် မဖော်နိုင်တာက တစ်ပိုင်းဖြစ်ပေမယ့် ပုဂ္ဂလိက ကဏ္ဍအနေနဲ့ ပညာရေးမှာ ပူးပေါင်းပြီး အဖြေရှာရင် အကြံကောင်း ဉာဏ်ကောင်းတွေ ရနိုင်တယ်ဆိုတဲ့ အမြတ်တွေကို အများကြီးထုတ်နိုင်ခဲ့မယ်လို့လည်း ယူဆပါတယ်။ ဒါပေမဲ့ အစိုးရဆိုတာနဲ့ ပုံစံခွက်ထဲက ပညာရှင်တွေရဲ့ အရိုးစွဲနေတဲ့စိတ်ဓာတ်တွေကို ဘယ်တော့ ပြောင်းလဲနိုင်မှာလဲ၊ ဘယ်လောက်ပြောင်းလဲ နိုင်မှာလဲဆိုတာကတော့ ကျွန်တော်ထင်ပါတယ် ပြိုင်တူတွန်းရုံနဲ့ မလုံလောက်တော့ဘူး။ တွန်းနေတာကို ရှေ့က ပိတ်ဆို့ကာ ဆီးထားသူတွေကိုပါ ဖယ်ရှားဖို့အချိန်လို့ ကျွန်တော်ထင်ပါတယ်။

၂၉ ရက်နေ့ ပထမနေ့ ဆွေးနွေးပွဲမှာ ဒေါက်တာနုနုဝင်း၊ ဒေါက်တာ အာကာမိုးသူ၊ ဦးခင်မောင်ကြင်တို့ သုံးဦးက "Reflection on the teacher education system (basic and higher education) in Myanmar ဆိုတဲ့ ခေါင်းစဉ်အောက်မှ အခြေခံပညာ၊ အဆင့်မြင့်ပညာ၊ ဆရာအတတ်သင်ပညာကဏ္ဍ သုံးခုကို ခွဲခြားဆွေးနွေး သွားတာကို သတိထားလိုက်မိပါတယ်။

ကျွန်တော် ဆွေးနွေးပွဲခေါင်းစဉ်ကို ပြန်သုံးသပ်လိုက်မိတယ်။ " ဒီမိုကရေစီပညာရေးပြောင်းလဲမှုကြီး၌ ဆရာ၏ အခန်းကဏ္ဍ" လို့ တပ်ထားပါတယ်။ ဒါပေမဲ့ ဆွေးနွေးတဲ့ ဆရာသုံးဦးကို သုံးသပ်ကြည့်လိုက်တော့ ဒေါက်တာ အာကာမိုးသူကလွဲရင် ပုံစံ ခွက်နဲ့ ရိုက်ထုတ်ထားခြင်းခံရသူတွေ ဖြစ်နေတာကို တွေ့ရတယ်။ ကျွန်တော်ဆိုလိုတာက ပုံစံခွက်ထဲကနေ အဝိုင်းနဲ့ ထုတ်ပေး လိုက်တဲ့ ခွက်ရိုက်ပုံသွင်းတွေဟာ လေးထောင့် ဘယ်တော့မှ ဖြစ်မလာနိုင်ပါဘူး။ ဒါကြောင့် ကျွန်တော် ကျွန်မတို့ဟာ လေးထောင့်တွေပါလို့ ပြောနေလည်း လူရယ်စရာဖြစ်နေပါလိမ့်မယ်။

နောက်တစ်ချက်က "ဒီမိုကရေစီပညာရေး" ဆိုတာကို ပြောသွားနိုင်တာ ဒေါက်တာ အာကာမိုးသူ တစ်ဦးပဲရှိတယ်။ သူက နည်းပညာရဲ့ အခန်းကဏ္ဍကို နည်းနည်းလေးထည့်ဆွေးနွေးသွားလို့ ဒီလိုပြောလိုက်ရတာပါ။ သူပြောလို့လည်း ဒီမိုကရေစီ ပညာရေးဆိုတာ နည်းနည်းလေး ဆက်စပ်သလိုလို ရှိသွားရတယ်လို့ ထင်ပါတယ်။ သူက နည်းပညာမပါဘဲ မအောင်မြင်နိုင်ဘူး လို့ပြောသွားတယ်။ ဆရာတွေက ကျောင်းသားတွေထံက ပြန်လည်သင်ယူရမယ့်အချိန်လို့လည်း ထောက်ပြသွားတယ်။ ပညာရေးမှာ ခေတ်သုံးခေတ် လှိုင်းသုံးလှိုင်းကို ကျွန်တော်တို့ ရင်ဆိုင်နေရတယ်ဆိုတာလည်း ကျွန်တော် လက်ခံတယ်။

ပထမလှိုင်းက လူကြီးတွေ လူငယ်တွေကို ပညာပေးတဲ့ခေတ်၊ ဒုတိယလှိုင်းက သင်ယူသူအချင်းချင်း ပညာပြန်ပေးတဲ့ခေတ်၊ တတိယလှိုင်းက လူငယ်တွေက လူကြီးတွေကို ပြန်ပြီး ပညာပေးတဲ့ခေတ်လို့ဆိုပါတယ်။ ဆရာပြောတဲ့ စကားကို ရှေ့ဆုံး တန်းမှာထိုင်နေတဲ့ လူကြီးတွေကတော့ သဘောကျမှာ မဟုတ်ပါဘူး။ ဘာကြောင့်လဲဆိုတော့ သူတို့ အားလုံးဟာ ပညာရေး ဆိုတာ ပထမလှိုင်းထဲမှာ ကူးခတ်နေရတာကို ပျော်မွေ့နေကြသူတွေ ဖြစ်နေလို့ပါပဲ။

ပညာရေးဆိုတာ သင်ကြားသူဆရာရှိရမယ်ဆိုတဲ့ ဝါဒကို လက်ကိုင်ထားလွန်းတဲ့ နိုင်ငံတွေဟာ ခေတ်မမီတော့တာကြောင့် ပြုပြင်ပြောင်းလဲရေး လမ်းကြောင်းကိုလိုက်ဖို့ ကြိုးစားနေကြတာ ကြာပါပြီ။ ဆရာဆိုတာ သင်ကြားသူ မဟုတ်တော့ဘူး။ ဆရာဆိုတာ လမ်းညွှန်သူဖြစ်လာပြီဆိုတာကို မျက်ခြေမပြတ်ဖို့ လိုလာပါပြီ။

ဒီနေ့ဆွေးနွေးပွဲမှာ အားလုံးရှောင်ပြီးဆွေးနွေးသွားတဲ့ အချက်နှစ်ချက်ရှိတာတွေ့ရပါတယ်။ အဲဒါတွေကတော့

၁။ ဒီမိုကရေစီပညာရေးမှာ အလေးထားသင်ကြားသင့်တဲ့ နည်းပညာအခန်းကဏ္ဍ

၂။ ဆရာတွေရဲ့ ကိုယ်ကျင့်တရားဆိုင်ရာ အခန်းကဏ္ဍ တွေပဲဖြစ်ပါတယ်

ဒီမိုကရေစီပညာရေးမှာ ကျွန်တော်တို့ကလေးတွေကို ကိုယ်သင်ချင်တဲ့ အချိန်မှာ၊ ကိုယ်သင်ချင်တဲ့ ဘာသာရပ်ကို၊ ကိုယ်သင် ချင်တဲ့သူနဲ့ ကိုယ်သင်ချင်တဲ့နေရာမှာ သင်ကြားပိုင်ခွင့်ရှိရေးကို အလေးထား ဆွေးနွေးသင့်ပါတယ်။ နိုင်ငံတကာမှာ အဲဒီလို သင်ယူခွင့်ရဖို့ နည်းပညာကို အားကိုး အားထားပြုနေကြရပါတယ်။

ဒီနေ့ဆွေးနွေးပွဲမှာ ရည်ရွယ်ချက်တွေက လက်ရှိဆရာအတတ်သင်ပညာရေး (အခြေခံနဲ့ အဆင့်မြင့်) ကိုသုံးသပ်ခြင်း၊ ဆရာ အတတ်သင်ပညာရေးရဲ့ သင်ရိုးတွေကို သုံးသပ်ခြင်း၊ ဆရာတွေကို သင်ယူနိုင်ခွင့်ရဖို့ နည်းလမ်းများ ရှာဖွေခြင်း၊ ဆရာတွေရဲ့ ကိုယ်ပိုင်အုပ်ချုပ်ခွင့်နဲ့ ပညာရေးဆိုင်ရာ လွတ်လပ်ခွင့်၊ ပညာရေးပြုပြင်ပြောင်းလဲရေးမှာ စိန်ခေါ်မှုတွေကို ဆရာတွေ ကျော်လွှားနိုင်ရေးစတာတွေကို ဦးတည်ဆွေးနွေးသွားမယ်လို့ အကြမ်းဖျင်း သိရပါတယ်။

ဒါပေမဲ့ ပထမနေ့ နံနက်ပိုင်းဆွေးနွေးပွဲကတော့ အဲဒီအချက်တွေနဲ့ နည်းနည်းလေး အံချော်သလိုဖြစ်နေတာတွေ့ ရတယ်။ ပိုဆိုးတာက မေးခွန်းမေးသူတွေကထမေးပြီး ပြန်ဖြေရတဲ့ ကဏ္ဍဖြစ်ပါတယ်။ ဒီနေ့ဆွေးနွေးပွဲမှာ ဆွေးနွေးသူ သုံးဦးစလုံးဟာ အာဏာပိုင်တွေ မဟုတ်ဘူး။ အစိုးရတွေမဟုတ်ဘူး။ မေးခွန်းတွေ မေးပါလို့ဆိုလိုက်ရင် မြန်မာထုံးစံအတိုင်း နစ်နာချက်တွေ၊ အဆင်မပြေတာတွေ၊ သူတို့တစ်သက်လုံး ပြောမရခဲ့တာတွေကို အခွင့်အရေးတစ်ခုအနေနဲ့ ထပြီးဆွေးနွေးကြပါတော့တယ်။ ခုဆွေးနွေးတဲ့သူတွေဟာ ဘယ်သူတွေလဲ၊ ငါတို့ ဘာကို ဦးတည်ဆွေးနွေးသင့်သလဲဆိုတာ အခန်းထဲစဝင်ကတည်းက ပေးဝေလိုက်တဲ့ စာရွက်လေးတွေကိုတော့ ကျေညက်အောင် ဖတ်ထားဖို့လိုမယ်ထင်ပါတယ်။ အဲဒီလိုမှမဟုတ်ဘဲ ဆွေးနွေးသူတွေက ပြုပြင်ပြောင်းလဲမှုတွေကို နေ့ချင်းညချင်း အကောင်အထည်ဖော်ပေးနိုင်သူတွေလိုလို ငိုပြီးတိုင်တာမျိုးတွေ လုပ်နေရင် ဦးတည်ချက်ပျောက်သွားနိုင်ပါတယ်။

အခမ်းအနားကို ကြွရောက်တော်မူလာတဲ့ ပြည်သူ့လွှတ်တော်ကိုယ်စားလှယ်ကြီး ဒေါ်စန္ဒာမင်းကတော့ မစားရဝခမမ်း ဆရာတွေလစာကို အံ့သြစရာကောင်းလောက်အောင်တိုးလာဖို့ သူတို့ဆောင်ရွက်နေကြောင်း ချွေးသိပ်သွားပါတယ်။ မကြာခင် ကုန်တော့မယ့် အစိုးရသက်တမ်းမှာ ဒေါ်စန္ဒာမင်းရဲ့ ပါးစပ်အဟောင်းသားဖြစ်သွားအောင် ဆရာတွေကို လစာတိုးပေးမယ် ဆိုတာ တကယ်လား၊ အိပ်မက်လားဆိုတာကိုတော့ စောင့်ကြည့်ရပေလိမ့်မယ်။

>>>ဆက်ဖတ်ရန်>>> >>

ပညာ​တတ်တ​စ်ေ​ယာက်ရဲ့​ စကားြေ​ပာ​အနု​ပညာ

ပညာ​တတ်တ​စ်ေ​ယာက်ရဲ့​ စကားြေ​ပာ​အနု​ပညာ 

1.1.2015

Category: သူ့အမြင်

Published on Thursday, 01 January 2015 02:45

Written by ကျော်ဗလ

အကယ်ဒမီ ပေးတဲ့နေ့က စန္ဒယားတင်ဝင်းလှိုင်တစ်ယောက် တောရောက် တောင်ရောက်ပြောတာကို ချီးကျူး နေတဲ့သူတွေက ချီးကျူး၊ ဒီလိုပွဲမျိုးမှာ မဆိုင်တာတွေ ထည့်ပြောတာကို ရဲရဲတောက်လို့ သတ်မှတ်နေကြတာတွေကို Facebook စာမျက်နှာ တွေပေါ်မှာ ဖတ်နေရတော့ ဒီကနေ့ ဘာကိုစံထားပြီး သူရဲကောင်းအဖြစ် သတ်မှတ်နေကြသလဲဆိုတာကို နည်းနည်းတောင် သံသယဝင်လာမိပါတယ်။

စန္ဒရားတင်ဝင်းလှိုင်ရဲ့ ခြေခြေမြစ်မြစ် နှစ်နှစ်ကာကာဆိုတဲ့ ရုပ်သံထုတ်လွှင့်ချက်ကို ကြည့်ဖူးသူတိုင်း သူဘယ်လိုလူဆိုတာ သိကြပါလိမ့်မယ်။ ဒီနှစ်အကယ်ဒမီပွဲမှာ အကောင်းဆုံးဂီတဖန်တီးဆုကို ရတယ်ဆိုတော့ ဝမ်းသာမိတယ်။ ဒါပေမဲ့ ၁၄ မိနစ်လောက် ပြောချင်တာတွေ တောင်ရောက် မြောက်ရောက် ပြောနေချိန်မှာ အောက်ကလည်း အသံသေး၊ အသံကြောင်တွေနဲ့ ဆူညံစွာအော်၊ ဟာသ သရုပ်ဆောင် ဇော်ဇော်အောင်ကလည်း ရေပုလင်းတက်ပေး (ပေးတာရိုးရိုးပေးတာမဟုတ်ဘူးဆိုတာ သိထားစေချင်တယ်) ဝိုင်းဟားကြနဲ့ အတော်လေး ရုပ်ပျက်ဆင်း ပျက်ဖြစ်ခဲ့ရပါတယ်။ ဒီအချိန်မှာ အခမ်းအနားမှူးနှစ် ယောက်က နောက်အစီအစဉ်တွေရှိသေးလို့ပါဆိုပြီး အတင်းမောင်းချယူရတဲ့ အဖြစ်ဟာ အကယ်ဒမီဆုရသူတွေထဲမှာ အသက် အကြီးဆုံး၊ ပညာအကြီးဆုံး လူကြီးတစ်ယောက်အနေနဲ့ကတော့ အလွန်ရှက်ဖွယ်ကောင်းတဲ့ အဖြစ်တစ်ခုပဲလို့ ဆိုရပါလိမ့်မယ်။ မြန်မာ့ အကယ်ဒမီသမိုင်းမှာ ရုပ်ပျက်ဆင်းပျက်အဖြစ်ဆုံး ကိုယ်ရည်သွေးမှုနဲ့ ဝိုင်းအဟားခံရဆုံး အဖြစ်အပျက်တစ်ခုလည်း ဖြစ်မယ်ထင်ပါတယ်။

လူတိုင်းဟာ ဘယ်မှာပဲစကားပြောပြော သက်ဆိုင်တာတွေကို ပြောမှ သဘာဝကျပါလိမ့်မယ်။ မိုက်ခရိုဖုန်းကိုင်ခွင့်ရပြီး ပြောရေး ဆိုခွင့်ရလိုက်တာနဲ့ ငါပြောချင်တာ ပြောလိုက်မကွဆိုတာကတော့ ပရိသတ်ကို စော်ကားသလို ဖြစ်နိုင်ပါတယ်။ ဥပမာ မင်္ဂလာအခမ်းအနားမှာ လူကြီးတစ်ယောက်အနေနဲ့ မင်္ဂလာစကား ပြောကြားပေးပါလို့ တောင်းဆိုခြင်းခံရရင် ကောင်မလေးက အိမ်ထောင်မကျခင် ရည်းစားများတာတွေ၊ သူ့ အမေ အကျင့်မကောင်းတာတွေ၊ အဖေကလည်း အရက်သမားဆိုတော့ သတိ ထားသင့်တယ်ဆိုတာတွေကို မင်္ဂလာပွဲမှာ လျှောက်ပြောနေလို့ သင့်မှာလားဆိုတာ စဉ်းစားပေးကြစေလိုပါတယ်။

ကျွန်တော် ဒီနှစ်အတွင်း ကျင်းပပြုလုပ်သွားတဲ့ သုတစွယ်စုံ စာပေဆုပွဲကို တက်ခဲ့ပါတယ်။ အခမ်းအနားမှာ "ဆုရသူများ ကိုယ်စား ကျေးဇူးတင် အမှာစကား ပြောကြားပေးပါရန်" ဆိုပြီး အခမ်းအနားမှူးက ကြေညာတယ်။ ဆုရ စာရေးဆရာတွေ ကိုယ်စား စာရေးဆရာကြီးတစ်ယောက်က စကားတက်ပြောတယ်။ သူပြောတဲ့ စကားတွေက အားလုံးကို ကိုယ်စားပြုတာ တစ်လုံးမှ မပါဘူး။ သူဘယ်လောက်တော်ကြောင်း၊ တတ်ကြောင်း၊ သူဆုရတဲ့စာအုပ်ကို သူဘယ်လောက် ကြိုးပမ်းရေးထား ရကြောင်းစတာတွေနဲ့ သူ့အကြောင်း၊ သူ့စာအုပ်အကြောင်းတစ်ခုတည်းကို တောက်လျှောက် ပြောသွားတာ တစ်ဦးတည်း ၄၅ မိနစ်လောက်ကြတယ်။ အခမ်းအနားမှူးက ဆုရသူများကိုယ်စား ကျေးဇူးတင်စကားကို တောင်းဆိုတယ်။ သူက ကိုယ်ပြော ချင်တာ ကိုယ်ရည်သွေးပြောတယ်။ ကျန်တဲ့ဆုရသူတွေကို ဘာတစ်ခုမှ ကိုယ်စားမပြုဘဲ၊ ဆုပေးတဲ့ အဖွဲ့ကိုလည်း ကျေးဇူးမတင်ဘဲ ကိုယ်ပြောချင်တာတွေ ၄၅ မိနစ်လောက် ပြောတာကို အောက်ကလူတွေ သည်းခံနားထောင် နေကြရတယ်။ ဒါမျိုးတွေကို ကျွန်တော်တို့က တော်လှပါတယ်၊ သင့်မြတ်လှပါတယ်ဆိုပြီး ဝိုင်းဝန်းချီးကျူး ပေးနေရင် ဘယ်နေရာမှာမဆို အတ္တကြီးစွာနဲ့ ငါပြောချင်တာ ပြောလို့ရတယ်ဆိုတာ ထောက်ခံပေးရာ ရောက်သွားပါလိမ့်မယ်။

ဒီနေရာမှာ ကွယ်လွန်သွားပြီဖြစ်တဲ့ ဆရာမကြီး ဒေါ်မြင့်မြင့်ခင်ကို အလွန်သတိရမိပါတယ်။ ဆရာမကြီး သဘာပတိ လုပ်ရတဲ့ ပွဲတွေကို ကျွန်တော်တက်ဖူးပါတယ်။ ဆရာမကြီးကတော့ ပြတ်တယ်။ အဲဒီလို မဆိုင်တာတွေ လျှောက်ပြောနေတဲ့သူတွေ၊ လျှောက်ပြီး မဆီမဆိုင် မေးနေသူတွေဆိုရင် ကောင်းကောင်း နှိပ်ကွပ်တယ်။ မဆိုင်တာတွေမပြောပါနဲ့။ ထိုင်လိုက်ပါဆိုပြီး တော့တောင် ပြောင်ပြောင်တင်းတင်း သတိပေးတတ်တယ်။ ဆရာမကြီးလို အရည်အချင်းရှိသူတွေ ကြီးကြပ်တဲ့ပွဲတွေဆိုရင် အလွန် စိတ်ချမ်းသာရတယ်။ ပွဲတိုင်းကျော် လျှောက်အော်နေတဲ့သူတွေ သိပ်ပြီးမထရဲကြဘူး။ ဆရာမကြီးက ချက်ကျ လက်ကျ ပြောနိုင်ဆိုနိုင်သူတွေကို ထောက်ခံတယ်။ မှားနေရင်တောင် ထောက်ပေးတယ်။ အခြေအမြစ်မရှိ လူတွင်ကျယ်လုပ်ချင်တဲ့ သူတွေကတော့ ဆရာမကြီးဝေဖန်ထောက်ပြတာကို ကော့နေအောင် ခံရတတ်တယ်။

လူတွေက အသက်တွေကြီးလာ၊ အရွယ်တွေရလာရင် ကိုယ်လေ့လာဖတ်မှတ်ထားတာတွေကို အရမ်းပြချင် ပြောချင် လာတတ် ပါတယ်။ အချို့လည်း အထီးကျန် စွန့်ပယ်ထားခြင်း ခံရချိန်မှာ ပြောချင်ဆိုချင် ထုတ်ဖော်ချင်တာတွေ အများကြီးရှိတတ် တယ်။ အကယ်ဒမီပွဲမှာ ကိုတင်ဝင်းလှိုင်က ပထမဆုံး ဆုလက်ခံရယူသူ။ သူ့နောက်မှာ အစီအစဉ်တွေ အများကြီးရှိသေးတယ်။ အားလုံးဟာ ဒီခေတ်မှာ တက်သုတ်ရိုက်ပြီး သူ့အစီအစဉ်နဲ့သူ လှုပ်ရှားကြရတယ်။ ကိုယ်ပြောတဲ့နေရာက အများနဲ့ဆိုင်တဲ့ အခမ်းအနား။ အဲဒီအချိန်မှာ personal ခံစားချက်တွေကို ထုတ်ဖော်ရမယ့်အချိန်လား။ ဒီနေရာဟာ အများပြည်သူတွေ အာရုံစိုက်နေချိန်ဖြစ်တာကြောင့် ငါကတော့ နှိပ်လိုက်မကွ၊ ဆော်လိုက်မကွဆိုပြီး လုပ်ချင်ရင်လည်း မာစတာဘွဲ့ရထားတဲ့ လူတော်ကြီးတစ်ယောက်အနေနဲ့ အင်္ဂလန်က စာကြည့်တိုက်ကြီးမှာ စာအုပ်တွေ သွားဖတ်ထားသူ တစ်ယောက်အနေနဲ့ ပညာသားပါပါ၊ အစီအစဉ်ကျကျ၊ ပြောနိုင်အောင် မကြိုးစားသင့်ဘူးလား။ ခုတော့ တောရောက် တောင်ရောက်ကို လူတွေက ဘာတွေပြောလို့ ပြောမှန်းလည်းမသိ၊ နောက်တစ်မှ Facebook ပေါ်ကနေ သူရဲကောင်းဘွဲ့တပ်ပြီးသူပြောတာတွေကို တင်ပေးသူတွေက တင်ပေးတာ ဖတ်ပြီးမှ "အော် ဒါတွေ ပြောနေပါလား" ဆိုပြီး သဘောပေါက်ကြတော့တယ်။

ကိုတင်ဝင်းလှိုင်ဟာ ခြေခြေမြစ်မြစ် နှစ်နှစ်ကာကာမှာလည်း သူပြောချင်ရာတွေ လျှောက်ပြောတတ်ပါတယ်။ တောရောက် တောင်ရောက်တဲ့ စကားတွေကို သူကိုယ်တိုင် ပြန်ဖာထေးပြီး သီချင်းကိုပြန်တီးပေးရတာတွေလည်း အများကြီးရှိခဲ့ဖူးတယ်။ ခုတော့ အကယ်ဒမီရလိုက်ချိန်မှာ ခံစားချက်တွေက ရင်ထဲမှာ အလုံးတက်ဆောင့်ပြီးတော့ အပြင်ကို အဆမတန် လျှံထွက် လာတာကို သတိ၊ အသိ၊ ပညာတွေနဲ့ မထိန်းဘဲ"ကျွန်တော် ရှင်ပေါလုကျောင်းသား ဖြစ်ပါတယ်။ ကျွန်တော် မဟာဝိဇ္ဇာ (ဂုဏ်ထူး) ဖြစ်ပါတယ်" ဆိုပြီး နောက်ဆုံးပိတ် ကြွေးကြော်ကာ စင်ပေါ်ကဆင်းသွားပုံကတော့ အကယ်ဒမီသမိုင်းမှာ မှတ် တမ်းတစ်ခုတော့ ဖြစ်ခဲ့မှာ သေချာပါတယ်။

>>>ဆက်ဖတ်ရန်>>> >>

ပညာရေးဆွေးနွေးပွဲ ဒီမိုကရေစီပညာရေးပြုပြင်ပြောင်းလဲမှုကြီး၌ ဆရာ၏အခန်းကဏ္ဍ

ပညာရေးစနစ်ပြုပြင်ပြောင်းလဲရေးနိုင်ငံလုံးဆိုင်ရာကွန်ရက် (NNER)
============================================

ပညာရေးဆွေးနွေးပွဲ
ဒီမိုကရေစီပညာရေးပြုပြင်ပြောင်းလဲမှုကြီး၌ ဆရာ၏အခန်းကဏ္ဍ
============================================
၂၉-၃ဝ ဒီဇင်ဘာ ၂ဝ၁၄
----------------------------
ဆွေးနွေးအကြံပြုချက်များ
===================
ပညာရေးစနစ် ပြုပြင်ပြောင်းလဲရေး နိုင်ငံလုံးဆိုင်ရာကွန်ရက် (NNER) လုပ်ငန်းအဖွဲ့မှ ဦးဆောင်၍ “ဒီမိုကရေစီပညာရေးပြုပြင်ပြောင်းလဲမှုတွင် ဆရာ၊ ဆရာမများ၏ အခန်းကဏ္ဍ” ဆွေးနွေးပွဲကို ရန်ုကုန်မြို့၊ ရွှေဂုံတိုင်လမ်း၊ တော်ဝင်နှင်းဆီခန်းမတွင် ၂ဝ၁၄ခုနှစ်၊ ဒီဇင်ဘာလ (၂၉-၃ဝ) ရက်နေ့များတွင် ကျင်းပခဲ့ပါသည်။ ဆွေးနွေးပွဲ၏ ရည်ရွယ်ချက်မှာ ပညာရေးပြုပြင်ပြောင်းလဲမှုတွင် ဆရာ/ဆရာမများ ပါဝင်မှုကို မြှင့်တင်ရန် ဖြစ်ပါသည်။
ဆွေးနွေးပွဲသို့ တိုင်းနှင့်ပြည်နယ်ဒေသအသီးသီးရှိ ပညာရေးအဖွဲ့အစည်းများမှ ဆရာ/ဆရာမများ၊ ပညာရှင်များ၊ ဘာသာရေးအခြေပြုကျောင်းများမှ ဘုန်းတော်ကြီးများ၊ သီလရှင်များ၊ ဆရာ/ဆရာမများနှင့် စိတ်ဝင်စားသူများစုစုပေါင်း (၃ဝဝ)ခန့် တက်ရောက်ခဲ့ပါသည်။ ဆွေးနွေးပွဲပထမနေ့တွင် မြန်မာနိုင်ငံသားပညာရှင်သုံးဦး၊ အီတလီနိုင်ငံသားပညာရှင် သုံးဦး၊ “အာရှနှင့်တောင်ပစိဖိတ်ဒေသ အခြေခံပညာနှင့် အရွယ်ရောက်သူများပညာရေး(ASPBAE)” အဖွဲ့မှ ပညာရှင်တစ်ဦး၊ အမေရိကန်နိုင်ငံသားပညာရှင်တစ်ဦးတို့က အောက်ပါအကြောင်းအရာများကို တင်ပြဆွေးနွေးခဲ့ကြပါသည်။

၁။မြန်မာနိုင်ငံဆရာအတတ်ပညာရေးစနစ်အပေါ်သုံးသပ်ချက်
၂။ အီတလီနိုင်ငံပညာရေးစနစ်၊ အသိဥာဏ်ဆိုင်ရာဒီမိုကရေစီ၊ သချာင်္ပညာရေးနှင့် ဆရာ/ဆရာမများ၏အခန်းကဏ္ဍ
၃။၂ဝ၁၅ အလွန် နိုင်ငံတကာပညာရေးအစီအစဉ်အတွက် ဆရာ/ဆရာမများပါဝင်ရမည့် အခန်းကဏ္ဍ
၎။ပညာရေးစနစ်ပြုပြင်ပြောင်းလဲသည့် နိုင်ငံများတွင် ဆရာ/ဆရာမများ၏ အခန်းကဏ္ဍကို Norm Propagation Theory ဖြင့် နှိုင်းယှဉ်တင်ပြခြင်းဆွေးနွေးပွဲ ဒုတိယနေ့တွင် အဖွဲ့ (၅)ဖွဲ့ခွဲ၍ ဆွေးနွေးကြပြီး အပြန်အလှန်ညှိနှိုင်းကာ

အောက်ပါကဏ္ဍ (၅)ခုတွင် အကြံပြုချက်များ ပေးအပ်ခဲ့ပါသည်။ အချို့အကြံပြုချက်များတွင် ငြင်းခုံဆွေးနွေးမှုများရှိပြီး အများဆန္ဒကို ထင်ဟပ်သော အကြံပြုချက်များကို ဦးစားပေးဖော်ပြထားပါသည်။

(၁)မြန်မာနိုင်ငံဆရာအတတ်ပညာရေးစနစ်၏ ပြဿနာများ၊ စိန်ခေါ်မှုများနှင့် အကြံပြုချက်များ
(က)ဆရာအတတ်ပညာကဏ္ဍတွင် ပညာရေးကောလိပ်များ ခွဲခြားမထားဘဲ၊ ပညာရေးတက္ကသိုလ်အဖြစ်သာ ထားရန်နှင့် အဆိုပါ ပညာရေးတက္ကသိုလ်တွင် အစိုးရကျောင်းမှ ဆရာ/ ဆရာမများသာမက၊ အခြားကျောင်းများမှ ဆရာ/ ဆရာမများ၊ ဆရာ/ဆရာမလောင်းများလည်း တက်ရောက်သင်ကြားခွင့်ရှိရန်။
(ခ) လက်ရှိတာဝန်ထမ်းဆောင်နေသည့် ဆရာ/ဆရာမများ တက္ကသိုလ်တက်ရောက်ပါက လစာခံစားခွင့် အပြည့်ပေးရန်။
(ဂ) ဝေးလံသောဒေသများရှိ တိုင်းရင်းသားဆရာ/ဆရာမများအား Scholarship အစီအစဉ်များ ပြုလုပ်ပေးရန်။
(ဃ) အစိုးရမဟုတ်သောအဖွဲ့အစည်းများကိုလည်း ဆရာအတတ်သင်တန်းများ ဖွင့်လှစ်ခွင့်ပေးရန်။
(င) ဆရာအတတ်ပညာသင်ရိုးတွင် ကလေးသူငယ်အခွင့်အရေးနှင့် ကလေးစိတ်ပညာဘာသာရပ်များကို အဓိကထားပြီး လက်တွေ့သင်ကြားမှုများကို အလေးထားဆောင်ရွက်ရန်။
(စ) ဆရာအတတ်ပညာဘွဲ့ရသင်တန်းများကို (၄) နှစ်ထားရှိရန်။
(ဆ) ဆရာအတတ်သင်ပြီးမြောက်သော ဆရာ/ဆရာမများကို အရည်အချင်းစစ်ဆေး၍ စာသင်ကြားခွင့်လိုင်စင်များ ပေးရန်။

(၂) ဆရာအတတ်ပညာသင်ရိုးညွှန်းတမ်းအတွက် အကြံပြုချက်များ
(က) ပညာရေးတက္ကသိုလ် (သို့မဟုတ်) ပညာရေးဌာနများတွင် ရှေးဦးကလေးသူငယ်၊ မူလတန်း၊ အလယ်တန်း၊ အထက်တန်း အထူးပြုဘာသာရပ်များထား၍ သင်တန်းသားများ စိတ်ကြိုက်ရွေးချယ်ခွင့်ရှိရန်။ အထက်တန်းအတွက် ဘာသာရပ်အလိုက်(ဥပမာ-သင်္ချာ၊ ရူပဗေဒ .....) အထူးပြုဘာသာ ရွေးချယ်ခွင့်ရှိရန်။
(ခ) တက္ကသိုလ်များတွင် သင်ကြားမည့် ဆရာ/ဆရာမများအတွက် သင်ကြားနည်းပညာသင်ရိုးညွှန်းတမ်းရေးဆွဲ၍ လေ့ကျင့်သင်ကြားပေးရန်။
(ဂ) စဉ်းစားဆင်ခြင်ခြင်း(critical thinking)နည်းစနစ်များ၊ သင်ယူမှုကို ဗဟိုပြုသော နည်းစနစ်များ(learning centered strategies)နှင့် စစ်ဆေးအကဲဖြတ်ခြင်းနည်းစနစ်များကို သဘောတရားနှင့် လက်တွေ့ပေါင်းစပ်သင်ကြားရန်။
(ဃ) သင်ရိုးညွှန်းတမ်းတွင် အောက်ပါဘာသာရပ်များ ထည့်သွင်းရန် (ဒေသလိုအပ်ချက်ကို အခြေခံသော သင်ရိုးညွှန်းတမ်း ဖွံ့ဖြိုးခြင်း၊ သယံဇာတများ စီမံခန့်ခွဲခြင်း၊ နိုင်ငံရေးသိပံ္မ၊ ငြိမ်းချမ်းရေးနှင့် ဒီမိုကရေစီပညာရေး၊ ဗဟိုချုပ်ကိုင်မှုလျော့ချခြင်း၊ သတင်းနှင့်ဆက်သွယ်ဆိုင်ရာနည်းပညာ(ICT)၊ ဘာသာစကားသင်ကြားမူစွမ်းရည်၊ လူတိုင်းအကြုံးဝင်ပညာရေး၊ ဆရာအတတ်ပညာဖွံ့ဖြိုးမူ၊ ပညာရေးသုတေသန၊ သင်ရိုးညွှန်းတမ်းရေးဆွဲခြင်း)။
(င) မူလတန်း၊ အလယ်တန်းနှင့် အထက်တန်းကျောင်းများတွင် ကျောင်းအုပ်အဖြစ် တာဝန်ယူသူများနှင့် စီမံခန့်ခွဲမှု အဆင့်ဆင့်တွင် တာဝန်ယူမည့်သူများသည် သင်ကြားရေးအတွေ့အကြုံရှိပြီး ပညာရေးစီမံခန့်ခွဲမှု နည်းပညာများ သင်ကြားတတ်မြောက်ပြီးသူ ဖြစ်ရမည်။

(၃) ဆရာ/ဆရာမများ၏ ပညာရပ်ဆိုင်ရာဖွံ့ဖြိုးမှုအတွက် လေ့လာသင်ယူရန် အခွင့်အလမ်းများ
(က) ဆရာ၊ဆရာမများ လေ့လာသင်ယူုနိုင်ရန် စာကြည့်တိုက်များ၊ e-library၊ အွန်လိုင်း၊ မီဒီယာတို့မှတဆင့် ခေတ်မှီနည်းပညာများဖြင့် လေ့လာနိုင်ရန်။
(ခ) ဆရာ/ဆရာမများ၏ ကျွမ်းကျင်မှုနှင့် ၀ါသနာကို အခြေခံ၍ သင်ယူမှုအခွင့်အလမ်းများ ရရှိနိုင်ရန်နှင့် လက်တွေ့ပိုင်းကို ပိုမိုအလေးပေးသင်ယူနိုင်စေရန်အတွက် နည်းဥပဒေများပြဌာန်းပေးရန်။
(ဂ) သင်ကြား၊ သင်ယူမှုအပိုင်းတွင် ပညာရေးအသုံးစရိတ် တိုးမြှင့်ပေးရန် (ဥပမာ GDP ၏ ၆%)
(ဃ) ဆရာ/ဆရာမများ မိမိတို့စိတ်ဝင်စားရာ သင်ယူခွင့်များ ဖန်တီးဖော်ဆောင်ပေးရန်နှင့် နိုင်ငံတကာစံနှုန်းများနှင့်အညီ မွမ်းမံသင်တန်းများ စီစဉ်ပေးရန် (teacher centered သုံးနေခြင်းအစား learning centered ကိုအသုံးပြုရန်)
(င) ဆရာ/ဆရာမများအသင်းအဖွဲ့များ ဖွဲ့စည်းပြီးမိမိတို့၏ ပညာရပ်ဆိုင်ဖွံ့ဖြိုးမှုအတွက် ဆောင်ရွက်နိုင်ရန် စီစဉ်ပေးရန် (ပညာရေးဆွေးနွေးပွဲများ၊ စာတမ်းဖတ်ပွဲများ၊ လေ့လာရေးအစီအစဉ်များ)။
(စ) ပညာရေးသုတေသန လွတ်လပ်စွာ ဆောင်ရွက်နိုင်ရန်။

(၄) ပညာရေးလွတ်လပ်ခွင့်၊ ဆရာ၊ဆရာမများ၏ကိုယ်ပိုင်ပြဋ္ဌာန်းခွင့်တို့အတွက် အကြံပြုချက်များ
(က) အခြေအနေပေါ်မူတည်ပြီး နည်းလမ်း၊ သင်ရိုး၊ ကျောင်းသားဦးရေ စသည်တို့တွင် ဆရာများ၏ ကိုယ်ပိုင် ဆုံးဖြတ်နိုင်ခွင့်ရှိရန်၊ ကျောင်းများအနေဖြင့်လည်း ကိုယ်ပိုင်ပြဌာန်းခွင့်ရှိရန်။ (၀န်ကြီးဌာန၊ ဦးစီးဌာနများသည် ဘဏ္ဍာရေးအပိုင်းများတွင် ကူညီပံ့ပိုးသူများသာ ဖြစ်သင့်သည်။)
(ခ) ဆရာ/ဆရာမများအားလုံး တန်းတူအခွင့်အရေးရှိရန်၊ ရာထူးတိုးသည့်စနစ်ကို မူလတန်းမှ အလယ်တန်း၊ အလယ်တန်းမှ အထက်တန်း တိုးမြှင့်သည့်စနစ်ကို ပယ်ဖျက်ရန်နှင့် မိမိရွေးချယ်ထားသည့် ပညာရေးဏ္ဍ (မူ/လယ်/ထက်) အတွင်း ဖွံ့ဖြိုးတိုးတက်မှုရှိသည့် စနစ်ကို ကျင့်သုံးရန် (ဥပမာ- မူလတန်းပညာဖြင့် မဟာဘွဲ့များ၊ ပါရဂူဘွဲ့များ)
(ဂ) ဆရာ/ဆရာမများ လွတ်လပ်စွာ သင်ယူနိုင်ခွင့်၊ သုတေသနလွတ်လပ်ခွင့်၊ ဆရာသမဂ္ဂများလွတ်လပ်စွာ ဖွဲ့စည်းနိုင်ခွင့်များရှိစေရန်။
(ဃ) ဆရာအတတ်သင်ကျောင်းဝင်ခွင့်များအား ပြန်လည်သုံးသပ်ရန်။

(၅) ပညာရေးစနစ် ပြုပြင်ပြောင်းလဲမှုဖြစ်စဉ်အတွင်း ရင်ဆိုင်ရမည့် အခက်အခဲများကို ကျော်လွှားရန် နည်းလမ်းများ
(က) မြန်မာနိုင်ငံဒေသသီးသီးတွင် ဆွေးနွေးပွဲများ ကျင်းပ၍ ပညာရေးမူဝါဒများအား ပြန်လည်သုံးသပ်ပြီး ပြည်သူ့အကျိုးလိုလားသော အင်အားစုများ စုစည်းကာ တညီတညွတ်တည်း ဆောင်ရွက်ရန်။
(ခ) ပညာရေးတွင် ဒီမိုကရေစီနည်းလမ်းတကျ လုပ်ဆောင်လာစေရန်အတွက် တောင်းဆိုသွားရန်။
(ဂ) စာမေးပွဲစနစ်နှင့် ဘတ်ဂျက်သုံးစွဲမှုများကို ပြန်လည်ပြုပြင်ရန်။
(ဃ) မူကြိုပညာရေးကို ပင်မပညာရေးအောက်တွင် ထားကာ အလေးပေးဆောင်ရွက်ရန်။
(င) အသင်းအဖွဲ့ဖွဲ့စည်းခွင့်များကို လွတ်လပ်စွာ ရရှိလာရန် လုပ်ဆောင်ပြီး သက်ဆိုင်ရာဒေသများ၊ ကျောင်းများကို လုပ်ပိုင်ခွင့်၊ ဆုံးဖြတ်ပိုင်ခွင့်များ လွှဲပြောင်းပေးအပ်ရန်နှင့် တချိန်တည်းတွင်ပင် ဗဟိုချုပ်ကိုင်မှုလျော့ချလျှင် ဖြစ်လာနိုင်သော အကျိုးဆက်များကို တွက်ချက်ပြီး ပြင်ဆင်မှုများ ပြုလုပ်ရန်။
(စ) ဆရာ/ဆရာမများအား မိမိကိုယ်ကို ယုံကြည်မှု၊ ရာသက်ပန်သင်ယူမှု၊ သင်ကြားနည်းစနစ်နှင့် ဘာသာရပ်ဆိုင်ရာ ကျွမ်းကျင်မှု၊ စီမံခန့်ခွဲနိုင်မှု၊ တာဝန်ယူမှု၊ တာဝန်ခံမှုများမြင့်တက်လာစေရန်နှင့် ကျောင်းသားများ၏ သင်ယူမူကို ကူညီအားပေးရန်။
(ဆ) လုပ်ဖော်ကိုင်ဘက်များပါ တက်ကြွစွာ ပါဝင်လာစေရန် အချင်းချင်း စည်းရုံးလုပ်ဆောင်သွားရန်။
(ဇ) ဆရာ-ကျောင်းသားဆက်ဆံရေး၊ ဆရာ-မိဘဆက်ဆံရေးတွင် ပွင့်လင့်မြင်သာမှုရှိစေရန်၊ အပြန်အလှန်ဆွေးနွေးမှု၊ တိုင်ပင်မှုများ ပြုလုပ်ရန်။

ပညာရေးစနစ်ပြုပြင်ပြောင်းလဲရေးနိုင်ငံလုံးဆိုင်ရာကွန်ရက် (NNER)

>>>ဆက်ဖတ်ရန်>>> >>